অনিক্কসাবো কাসাবং    যো বত্থং পরিদহেস্‌সতি।

অপেতো দমসচ্চেন    ন সো কাসাবয়মরহতি॥ ৯

যো চ বন্তকসাবস্‌স    সীলেসু সুসমাহিতো।

উপেতো দমসচ্চেন    স বে কাসাবমরহতি॥ ১০

অসারে সারমতিনো    সারে চাসারদস্‌সিনো।

তে সারং নাধিগচ্ছন্তি    মিচ্ছাসঙ্কপ্পগোচরা ॥ ১১

সার ঞ্চ সারতো ঞত্বা    অসার ঞ্চ অসারতো।

তে সারং অধিগচ্ছন্তি    সম্মাসঙ্কপ্পগোচরা॥ ১২

যথাগারং দুচ্ছন্নং    বুট্‌ঠি সমতিবিজ্ঝতি।

এবং অভাবিতং চিত্তং    রাগো সমতিবিজ্ঝতি॥ ১৩

যথাগারং সুচ্ছন্নং    বুট্‌ঠি ন সমতিবিজ্ঝতি।

এবং সুভাবিতং চিত্তং    রাগো ন সমতিবিজ্ঝতি॥ ১৪

ইধ সোচতি পেচ্চ সোচতি    পাপকারী উভয়ত্থ সোচতি ।

সো সোচতি সো বিহঞ্‌ঞতি    দি স্বা কম্মকিলিট্‌ঠমওনো॥ ১৫

ইধ মোদতি পেচ্চ মোদতি    কতপুঞ্‌ঞো উভয়ত্থ মোদতি।

সো মোদতি সো পমোদতি    দিস্বা কম্মবিসুদ্ধিমত্তনো॥ ১৬

ইধ তপ্পতি পেচ্চ তপ্পতি    পাপকারী উভয়ত্থ তপ্পতি।

পাপং মে কতংতি তপ্পতি    ভীয্যো তপ্পতি দুগ্‌গতিং গতো॥ ১৭

ইধ নন্দতি পেচ্চ নন্দতি    কতপুঞ্‌ঞো উভয়ত্থ নন্দতি।

পুঞ্‌ঞং মে কতংতি নন্দতি    ভীয্যো নন্দতি সুগ্‌গতিং গতো॥ ১৮

বহুম্পি চে সহিতং ভাসমানো    ন তক্করো হোতি নরো পমত্তো।

গোপো ব গাবো গণয়ং পরেসং    ন ভাগবা সামঞ্‌ঞস্‌স হোতি॥ ১৯